Një person është plagosur sot pas mesnatës në një lokal në lagjen “Arbëria” në Prishtinë, saktësisht në rrugën “Ahmet Krasniqi”.
Lajmin e ka konfirmuar për “Zërin” zëdhënësja e Policisë për rajonin e Prishtinës, Flora Ahmeti.
Ahmeti ka thënë se menjëherë në vendin e ngjarjes kanë dalë njësitet policore dhe se kanë nisur hetimet.
“Sot rreth orës 00:15 kemi marrë informatën se në një lokal në rrugën ‘Ahmet Krasniqi’ në Prishtinë një person është plagosur nga arma e zjarrit. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti”, tha Ahmeti.
Ajo bëri të ditur se viktima është dërguar për trajtim mjekësor, ndërsa i dyshuari është arratisur.
