Presidenti rus, Vladimir Putin, nënshkroi të martën një dekret që prezanton masa të mundshme hakmarrëse nëse konfiskohen asetet ruse jashtë vendit, njoftoi agjencia shtetërore ruse e lajmeve TASS, raporton BBC.
Dekreti, i cili u publikua gjithashtu në faqen e internetit të Kremlinit, përshkruan se nëse asetet ruse sekuestrohen nga “vendet armiqësore”, Moska do të vendosë asetet e huaja në Rusi nën kontrollin e saj të përkohshëm, sipas TASS.
Dekreti gjithashtu deklaron se menaxhimi i përkohshëm i aseteve mund të anulohet dhe zhbëhet vetëm nëse presidenti rus vendos kështu.
TASS raportoi se Moska ka marrë nën menaxhim të përkohshëm asetet e divizionit rus të distributorit të gazit Uniper SE.
