Një pasagjer ka vdekur si pasojë e një aksidenti me fatalitet, njofton Policia e Kosovës.
Sipas tyre, vetura me targa vendore që drejtohej nga një shofere grua, si pasojë e mospërshtatjes së shpejtësisë së lëvizjes kushteve të rrugës ka dalë nga rruga dhe është përplasur në anësoret e rrugës.
Aksidenti ka ndodhur në Kaçanik mbrëmë rreth orës 00:06.
“Si pasojë e aksidentit, lëndime vdekjeprurëse ka pësuar një mashkull kosovar – pasagjer në veturë. Me vendim të prokurorit, trupi i pa jetë i viktimës është dërguar në IML për autopsi”, thuhet në njoftimin e Policisë.
