Një 28-vjeçar ka vdekur sot në Skenderaj. Policia këtë rast po e cilëson si vdekje të dyshimtë. Për këtë rast ka raportuar para pak orësh Drejt.info, që sipas burimeve i riu A.SH nga Skenderaj dyshohet që ka bërë vetëvrasje.
Zëdhënësi i Policisë për rajonin e Mitrovicës, Avni Zahiti ka konfirmuar rastin.
“Sot rreth 14:30 Policia ka pranuar informatën se në Spitalin Rajonal të Mitrovicës është sjellë pa shenja jete një 28-vjeçar nga Skenderaj.
Hetuesit policorë me autorizim të prokurorit kanë nisur hetimet për zbardhjen e rrethanave të rastit”.
Zahiti po ashtu njoftoi se me urdhër të prokurorit trupi i pajetë është dërguar në Institutin e Mjekësisë Ligjore (IML) për obduksion.
Drejt.info do ju mbaj të informuar.
