Kryeministri i Kosovës, Albin Kurti, ka thënë se i kupton shqetësimet e partnerëve ndërkombëtare, por çdo opsion tjetër sipas tij, do ishte mospërmbushje e obligimeve të Qeverisë ndaj kryetarëve të rinj.
“Ne jemi të vetëdijshëm dhe i kuptojmë shqetësimet e ngritura nga partnerët tanë ndërkombëtarë. Por, çdo opsion tjetër, do të ishte mos përmbushje e obligimeve kushtetuese të Qeverisë sonë ndaj kryetarëve të rinj; do të ishte mos përmbushje e obligimeve dhe detyrimeve të kryetarëve të rinj ndaj qytetarëve të Republikës; dhe, do të pamundësonte ofrimin e shërbimeve bazike komunale për qytetarë”.
