Deputeti i Partisë Demokratike të Kosovës (PDK), Mergim Lushtaku përmes një postimi në rrjetin social Facebook ka lavdëruar boksierin Altin Zogaj, i cili është shpallur kampion i Evropës në IBO. Zogaj ka triumfuar ndaj boksierit italian, Riccardo Valentino, në meçin i cili u zhvillua në Stuttgart të Gjermanisë.
Lushtaku ka shkruar për boksierin duke treguar se si Zogaj me mbështetjen e mijëra bashkëatdhetarëve nuk kishte si mos ta merrte këtë titull.
“Si një kampion i vërtetë, Altin Zogaj dëshmoi se e meriton titullin Kampion i Evropës në IBO. Me mbështetjen e mijëra bashkëatdhetarëve në Scharrena Stuttgart, e mbështetjen e miliona shqiptarëve anë e kënd botës,nuk kishte si të ndodhte ndryshe.Altini lartësoi flamurin e Kosovës!I dëshiroj shumë e shumë suksese në të ardhmen”, ka shkruar Lushtaku në Facebook.
