Kryetari i Kuvendit, Glauk Konjufca ka reaguar për sulmin ndaj gazetarit, Valon Syla.
Ai ka thënë se sulmi ndaj Sylës është shkelje e rëndë e lirës së shtypit dhe e të drejtave të njeriut.
“Kërkohet që organet kompetente të ndërmarrin hapat e nevojshëm për t’i sjellë autorët e sulmit para drejtësisë!” – ka shkruar ndër të tjera Konjufca në Facebook.
Reagimi i tij:
Sulmi ndaj gazetarit Valon Syla është një shkelje e rëndë e lirisë së shtypit dhe e të drejtave të njeriut, dhe nuk mund të tolerohet kurrsesi në një shoqëri demokratike.
Ata kanë të drejtën e garantuar në Kushtetutën dhe ligjet e vendit tonë për të kryer detyrën e tyre profesionale pa frikë dhe pa ndonjë censure apo presion të jashtëm.
Sulmi ndaj tyre është një krim i cili nuk përkon as me kulturën dhe as me traditën tonë shqiptare.
Kërkohet që organet kompetente të ndërmarrin hapat e nevojshëm për t’i sjellë autorët e sulmit para drejtësisë!
Solidarizohemi me Valonin dhe i dëshirojmë shërim sa më të shpejtë.
