Konservatorët po vrapojnë për të mbrojtur florën dhe faunën e rrallë në pyjet e fundit të shiut të butë të Mbretërisë së Bashkuar.
Këto pyje të harlisur dhe të lagësht, kryesisht përgjatë brigjeve perëndimore të Mbretërisë së Bashkuar, janë shtëpia e likeneve të çuditshëm dhe të mrekullueshëm që nuk gjenden askund tjetër në Tokë.
Rënia historike e pyjeve tropikale ka vënë në rrezik zhdukjeje disa bimë dhe kërpudha të rëndësishme globale.
Një liken i rrallë mendohet se ekziston vetëm në një dru të vetëm në Somerset të Anglisë jugperëndimore.
Kërcënimet për habitatet përfshijnë shpyllëzimi, ndryshimi i klimës e ndotja e ajrit.
Pyjet e buta tropikale janë pyje që gjenden në gjerësinë e mesme të Tokës që kanë reshje të mëdha shiu.
Këto vende të lagështa e të buta krijojnë një vend të veçantë për bimët dhe kërpudhat e rralla.
Organizatat bamirëse të ruajtjes, “The National Trust” dhe “PlantLife”, po punojnë për të mbrojtur këto pika të nxehta të biodiversitetit.
Sipas rojtarit të Dartmoor, Demelza Hyde, kjo “botë miniaturë e myshqeve dhe likeneve” është “gjaku i jetës së pyjeve të buta të shiut”.
Likenet janë një klasë veçanërisht e pazakontë organizmash që gjenden në pyjet e buta të shiut.
Gjallesat e ngjashme me bimët përbëhen nga kërpudha që rriten në lidhje me forma të tjera të jetës, të tilla si algat. Ka më shumë se 2000 lloje vetëm në Britani dhe Irlandë, shumë prej të cilave gjenden në pyjet e buta tropikale.
April Windle, një natyralist nga Devon, i specializuar për likenet, thotë se këto specie të vogla e të errëta meritojnë po aq vëmendje sa ato më të mëdhatë.
“Në konservim, ka tendencë të jenë speciet e mëdha, me gëzof, shumë karizmatike që marrin shumë vëmendje”, shpjegoi Windle
Projekti në Devon fokusohet në restaurimin e pyjeve ekzistuese për të mbrojtur specie të rëndësishme bimore dhe shtazore.
