Rastet e dhunës në familje, dita-ditës po shtohen në vendin tonë. Kjo kur fëmijët sulmojnë prindërit duke ushtruar dhunë fizike mbi ta, apo e kundërta.
Një rast i tillë ka ndodhur në Pejë, ku 58-vjeçari ka denoncuar rastin në Polici, ku ka deklaruar se i biri e ka sulmuar fizikisht duke e goditur me grushte.
Njësitë policore kanë dalë në vendin e ngjarjes ku kanë arrestuar të dyshuarin dhe të njëjtin e kanë shoqëruar në stacion policor.
40-vjeçari i është nënshtruar testit të alkoolit ku ka rezultuar në gjendje të dehur, ndërkohë që babai I tij gjatë dhënies së dëshmisë ka thënë se djali fillimisht ka ofenduar nënën e tij e më pas ai kishte dashur që të bisedojë me të por që ishte sulmuar.
Ndërkaq, as përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor dhe i njëjti do të hetohet nën dyshimet se ka kryer veprat penale ‘Dhunë në familje’ dhe ‘Sulm’.
