Dje punën e kanë filluar një numër i zyrtarëve policorë nga komunitetet në komunat veriore të vendit.
Ndaj tyre është duke u zhvilluar një fushatë frikësuese në rrjete sociale.
Kryeministri i vendit, Albin Kurti, në një konferencë për media sot e ka dënuar këtë gjë, dhe ka bërë thirrje që ndërkombëtarët të reagojnë për këtë.
“Fushatën në kanale e në platforma sociale e që ka për qëllim kërcënimin e frikësimin e policëve serbë janë të papranueshme për ne. Edhe jam i bindur se janë të shpërfillura edhe prej vet tyre. Ata sot janë pjesëtarë të Policisë së Kosovës sepse janë profesionistë të guximshëm se kanë dashuri për vendin, e këtë shprehin duke i kontribuar atij”.
“Faktori ndërkombëtar duhet të dënojë çfarëdo fushate, duhet të jetë i zëshëm ndaj Beogradit ndaj presionit që po bënë ndaj serbëve që janë në Kosovë. Ata që integrohen jetojnë më mirë ata që nuk integrohen mbeten peng i trysnisë financiare nga Beogradi zyrtar”, ka thënë Kurti.
