Ish drejtori i SHSKUK-së, Curr Gjocaj, është njëri nga shefat e përzgjedhur në konkursin e Klinikës së Gjinekologjisë në QKUK.
Ai kishte kandituar në tre reparte, ndërkaq është përzgjedhur shef i repartit të pranimit dhe ambulancave specialistike nga komisioni i cili është udhëhequr nga drejtori i klinikës, Zef Ndrejaj.
Ndërkaq, në repartet e tjera, në atë të Patologjisë së Barrës, shef është përzgjedhur gjinekologu, Naser Rafuna.
Shpresa Musolli- Krasniqi, është shefja e re e Sallave të Lindjes, e reparti i Lehonave me Sekcio do të drejtohet nga Sahadete Shala.
Gjinekologu, Afrim Veliu, përsëri në repartin e Paranatal dhe Sabedin Fejzullahu është përzgjedhur në Onkologji.
Reparti i operativës, në të cilën kryhen operacionet e rënda, udhëheqet nga gjinekologia Nexhmije Spahija.
Në këtë klinikë janë publikuar dhe rezultatet e konkursit për kryeinfermiere, në krye me Sabrije Obertinca.
