Kryetari i Aleancës për Ardhmërinë e Kosovës, Ramush Haradinaj ka pritur sot në takim, Ambasadorin e ri të Turqisë, Sabri Tunc Angili.
Gjatë një postimi në Facebook, Haradinaj vlerëson marrëdhëniet e mira mes Kosovës dhe Turqisë, si dhe ka përmendur termetin shkatërrues, për të cilin thotë se ka qenë dëshmi për marrëdhënien e sinqertë mes këtyre dy shteteve.
“Prita në takim njoftues ambasadorin e ri të Turqisë në Kosovë, z. Sabri Tunç Angılı, me të cilin diskutuam për zhvillimet në Kosovë dhe bashkëpunimin ndërmjet dy vendeve. Duke e uruar z. Angılı për detyrën e re, vlerësova lart marrëdhëniet e shkëlqyeshme mes dy vendeve tona. Solidariteti i shprehur i Kosovës dhe gatishmëria për t’i dalë në ndihmë popullit turk pas tërmetit shkatërrues të cilin e përjetuan, është dëshmi për marrëdhëniet tona të sinqerta që kemi si dy shtete mike”, ka shkruar Haradinaj.
